| Pearsanta Tá Seán pósta le Marian Flannery, a rugadh in Óstán an Carmel, Sráid Eoin, Cill Chainnigh. Oibríonn Marian mar Stiúrthóir Chomhlachta agus mar Bhainisteoir Thionscnaimh san earnáil phriobháideach. Tá beirt pháiste acu, Fionn atá trí bhliana déag agus Caoilfhionn atá naoi mbliana d’aois. |
 |
Oideachas
Chuaigh Seán go bunscoil Naomh Fhíonáin
sa Choireán, Co Chiarraí. I ndiaidh sin, d'fhreastal sé
ar Choláiste Naomh Fhíonáin, sa Mhuileann Chearr,
Co. na hIarmhí roimh teacht abhaile go Cheárdscoil an
Choireáin. Ag an triú leibhéal bhain Seán amach Céim Onóracha
san Oideachas (B. Ed.) ó Choláiste Froebel agus Coláiste na Tríonóide,
chomh maith le Céim Máistreachta (M. Sc) i Ríomhairíocht ó IT Thrá Lí
agus CIT.
Gairm
Is múinteoir bunscoile é Seán i nGaelscoil Osraí i gCill Chainnigh.
Saol Polaitíochta
- Toghadh Seán mar bhall Chomhairle Buirge Chill Chainnigh i 2004.
- Toghadh é mar ionadaí ar Chumann Bailte-Chomhairle na hÉireann i 2004. Ball do Choiste Sheasmhach an Chumainn 2004-2005.
- Toghadh é mar bhall ar Bhórd Forbartha Chontae Chill Chainnigh i 2004.
- Toghadh é mar Stiúrthóir Amharclann an Watergate i 2004.
- Toghadh Seán mar Chathaoirleach ar Pháirtí
an Lucht Oibre do Dháil-Cheanntar Ceatharlach/ Cill Chainnigh
i 2003. Tá sé anois mar Leas-Chathaoirleach
an Dáil-Cheanntair.
- Ball do chraobh Charlie Smyth an Lucht Oibre i gCathair Chill Chainnigh.
- Toghadh é mar Leas Uachtarán ar Aontas na Macléinn in Éirinn 1986-87.
- Ball do Pháirtí an Lucht Oibre ó 1987.
- Toghadh é mar Leas Chathaoirleach Náisiúnta ar Óige an Lucht Oibre i 1988.
- Ball do Choiste Náisiúnta Óige an Lucht Oibre ó 1988 go 1991.
- D’oibrigh Seán le Joe Costello T.D. agus leis an iarr-theachta Pat Upton, nach maireann, is iad ag tosú a shaoil polataíochta.
- Ceann do phríomh-oibrithe i bhfeachtas toghchán na hUachtarántachta ag Mary Robinson i 1990.
- Ball do Árd-Chomhairle an Lucht Oibre ó 1996 go 2003.
- Toghadh Seán mar fheisire Ionadaíochta do Phairlimint na hEorpa i dtoghcháin 1999.